Telangana Live Telangana Live News and Views 24X7
నిజామాబాద్‌, సెప్టెంబర్‌ 3
నిజామాబాద్‌ న్యూస్‌ డాట్‌ ఇన్‌ : అంతర్జాతీయ ఫుట్బాల్‌ క్రీడాకారుణి గుగులోత్‌ సౌమ్య యూరోప్‌ దేశమైన క్రొయేషియా దేశనికి చెందిన డైనమో జేగ్రేబ్‌ క్లబ్‌కు సెలెక్ట్‌ కావడం యావత్‌ భారతదేశానికి గర్వకారణం అని నిజామాబాద్‌ ఫుట్బాల్‌ అసోసియేషన్‌ అధ్యక్షులు షకీల్‌ అహ్మద్‌ తెలిపారు. అండర్‌ 14 నుండి సీనియర్‌ జట్టువరకు ఎన్నికై ఈ రోజు ఇతర దేశాల క్లబ్బుకు ఎన్నిక అవ్వడం చాలా గొప్పవిషయం అని షకీల్‌ అహ్మద్‌ అన్నారు.
కేర్‌ ఫుట్బాల్‌ అకాడమీ అధ్యక్షులు నరాల సుధాకర్‌ మాట్లాడుతూ గుగులోత్‌ సౌమ్య విజయానికి ముఖ్య కారణం గొట్టిపాటి నాగరాజు అని అన్నారు. సౌమ్యకు సహకరిస్తున్న నిజామాబాద్‌ ఫుట్బాల్‌ అసోసియేషన్కు, తెలంగాణ ఫుట్బాల్‌ అసోసియేషన్కు నరాల సుధాకర్‌ ధన్యవాదములు తెలిపారు.
భారతదేశ ఫుట్బాల్‌ ఫెడరేషన్‌ కు ఈసీ మెంబర్‌ గా ఎన్నికైన తెలంగాణ రాష్ట్ర ఫుట్బాల్‌ అసోసియేషన్‌ ప్రధాన కార్యదర్శి ఫల్గుణని కూడ ఈ సందర్భంగా అభినందించారు. కార్యక్రమంలో షకీల్‌ అహ్మద్‌, నరాల సుధాకర్‌, ఆంద్యాల లింగం, సాయగౌడ్‌, జావిద్‌, ప్రశాంత్‌, ఫారుఖ్‌, ఖలీద్‌, అన్వర్‌, రఫీక్‌ సోహెల్‌ తదితరులు పాల్గొన్నారు.
