టీయూలో 6 వ తేదీన వార్షికోత్సవం

డిచ్‌పల్లి, సెప్టెంబర్‌ 5

నిజామాబాద్‌ న్యూస్‌ డాట్‌ ఇన్‌ : తెలంగాణ విశ్వవిద్యాలయంలో రేపు అనగా మంగళవారం 6 వ తేదీన సాయంత్రం 5 గంటలను క్రీడా మైదాన ప్రదేశంలో వార్షికోత్సవం – 2022 నిర్వహింపబడుతుందని ఉపకులపతి ఆచార్య డి. రవీందర్‌ తెలిపారు.

కార్యక్రమానికి ముఖ్య అతిథిగా రాష్ట్ర ప్రధాన ఎన్నికల కమీషనర్‌ సి. పార్థసారథి, విశిష్ట అతిథిగా రాష్ట్ర ఉన్నత విద్యా మండలి చైర్మన్‌ ఆచార్య ఆర్‌. లింబాద్రి, గౌరవ అతిథులుగా ప్రముఖ సినీ దర్శకులు దిల్‌ రాజు, ప్రముఖ కవి, గేయ రచయిత వందేమాతరం శ్రీనివాస్‌, ఉస్మానియా విశ్వద్యాలయం ప్రొఫెసర్‌ ఉమేశ్‌ కుమార్‌ తదితరలు విచ్చేయనున్నారని అన్నారు. కావున అధ్యాపకులు, అధ్యాపకేతరులు, ఔట్‌ సోర్సింగ్‌ సిబ్బంది, పరిశోధకులు, విద్యార్థులు అధిక సంఖ్యలో పాల్గొనాలని కోరారు.