విద్యుత్‌ షాక్‌తో రైతు మృతి

నందిపేట్‌, సెప్టెంబర్‌ 7

నిజామాబాద్‌ న్యూస్‌ డాట్‌ ఇన్‌ : నందిపేట మండలంలోని కోమటిపల్లి గ్రామానికి చెందిన ఈదుల ముత్తన్న బుధవారం పొలంలో గడ్డి కోస్తుండగా ప్రమాదవశాత్తు కొడవలి బోరు విద్యుత్తు తీగకు తగలడంతో అక్కడికక్కడే మృతి చెందాడని పోలీసులు తెలిపారు.

పోలీసుల కథనం ప్రకారం… మృతుడు ఈదుల ముత్తన్న భార్య లసుంబాయితో కలిసి బుధవారం ఉదయం తన పొలంలో కలుపుతీయడానికి వెళ్ళాడు. ఆమె కలుపుతీస్తుండగా ముత్తన్న కరంటు డబ్బా వద్ద గడ్డి కోస్తు ప్రమాదవశాత్తు కరెంటు వైరు తగలడంతో అక్కడికక్కడే మృతి చెందాడు. భార్య ఫిర్యాదు మేరకు కేసు నమోదు చేసి దర్యాప్తు జరుపుతున్నట్టు పోలీసులు తెలిపారు.