అంతర్జాతీయ క్రీడాపోటీలకు ఎంపికైన మంజీర విద్యార్థి

కామారెడ్డి, సెప్టెంబర్‌ 7

నిజామాబాద్‌ న్యూస్‌ డాట్‌ ఇన్‌ : కామారెడ్డి జిల్లా కేంద్రంలోని మంజీర డిగ్రీ కళాశాలకు చెందిన ఎమ్‌.డి ఈష్యక్‌ బిఎస్సి న్యూట్రీషియన్‌ అంతర్జాతీయ స్థాయిలో సాఫ్ట్‌ క్రికెట్‌ టీమ్‌కి ఎంపికయ్యారు. ఈ సందర్భంగా మంజీర కళాశాల చైర్మన్‌ గురువేందర్‌ రెడ్డి మాట్లాడుతూ విద్యార్థి మధ్యప్రదేశ్‌లో జాతీయ స్థాయిలో ఆడి అంతర్జాతీయ స్థాయికి ఎంపిక కావడం కామారెడ్డి జిల్లాకే గర్వకారణం అని తెలిపారు.

పోటీలు నేపాల్‌లో 28 సెప్టెంబర్‌ నుండి 30 సెప్టెంబర్‌ వరకు జరుగుతాయన్నారు. విద్యార్థిని కళాశాల యాజమాన్యం అభినందించారు. కార్యక్రమంలో చైర్మన్‌ గురువేందర్‌ రెడ్డి , ప్రిన్సిపాల్‌ సత్యనారాయణ, డైరెక్టర్‌ సురేష్‌ గౌడ్‌, గోపాలరెడ్డి, విజయ్‌ కుమార్‌, మధుసూదన్‌ రెడ్డి, హన్మంతరావు, అధ్యాపకులు జావిద్‌, రవి, సంతోష్‌, ప్రసాద్‌, జీవన్‌ నాయక్‌ తదితరులు పాల్గొన్నారు.