ఉత్తమ ఉపాధ్యాయులకు సన్మానం

గాంధారి, సెప్టెంబర్‌ 14

నిజామాబాద్‌ న్యూస్‌ డాట్‌ ఇన్‌ : ఉపాధ్యాయ దినోత్సవాన్ని పురస్కరించుకొని బుధవారం ఉత్తమ ఉపాధ్యాయులను గాంధారిలో సన్మానించారు. మండలంలోని 17 మంది ఉత్తమ ఉపాధ్యాయులను స్థానిక నాయకులు, అధికారులు సన్మానించారు. మండల స్థాయిలో 17 మందిని నిర్ణయించి సన్మానించినట్లు ఎంఈఓ సేవ్లా నాయక్‌ తెలిపారు.

ఉత్తమ ఉపాధ్యాయులుగా సంతోష్‌ రెడ్డి (నేరల్‌ తాండా), గంగాధర్‌ (పెట్‌ సంగెం), గోపి (గాంధారి), బిక్షపతి (పొతంగల్‌), సాయి కుమార్‌ (గండివేట్‌), నరేంద్ర ప్రసాద్‌ (ముదోలి), శేఖర్‌ (ముదోలి), సుష్మ (చద్మల్‌), రవి (గుర్జాల్‌), అనిత (జివ్వాడి), సుజాత (గాంధారి), భారతి రాణి (రాంపూర్‌ గడ్డ),విజయ్‌ కుమార్‌ (ఒంద్రికల్‌), ప్రియాంక (చద్మల్‌), శుభాష్‌ (గుర్జాల్‌), కళ్యాణి (పోతంగల్‌), సాయిలు (పెట్‌ సంగం) లను శాలువాతో, పూల మాలతో సన్మానించి ప్రశంసా పత్రాలను అందజేశారు. కార్యక్రమంలో ఎంపీపీ రాదా బలరాం నాయక్‌, జడ్పీటీసీ శంకర్‌ నాయక్‌, సర్పంచ్‌ సంజీవ్‌ యాదవ్‌, ఉపాధ్యాయులు తదితరులు పాల్గొన్నారు.