Telangana Live Telangana Live News and Views 24X7
కామారెడ్డి, సెప్టెంబర్‌ 29
నిజామాబాద్‌ న్యూస్‌ డాట్‌ ఇన్‌ : కామారెడ్డి జిల్లా కేంద్రంలో గల శ్రీ ఆర్యభట్ట గ్రూప్‌ ఆఫ్‌ కాలేజెస్‌ ఆధ్వర్యంలో గురువారం బతుకమ్మ సంబరాలను ఘనంగా నిర్వహించారు. ఈ సందర్భంగా విద్యార్థులు వివిధ పువ్వులతో అలంకరించిన బతుకమ్మలను తయారుచేసి, డీజే చప్పుల మధ్య సంబరాలను ఘనంగా నిర్వహించుకున్నారు. నృత్యాలు చేశారు.
కార్యక్రమానికి ముఖ్య అతిథులుగా కామారెడ్డి మున్సిపాలిటీ చైర్మన్‌ నిట్టు జాహ్నవి, వైస్‌ చైర్మన్‌ గడ్డం ఇందుప్రియ పాల్గొని మాట్లాడుతూ రాష్ట్ర పండగ విశిష్టత గురించి విద్యార్థులకు సందేశం ఇచ్చారు. విద్యార్థులతో కలిసి ఆటపాటలు నిర్వహించారు. కార్యక్రమంలో కళాశాల సెక్రటరీ కరెస్పాండెంట్‌ గురువేందర్‌ రెడ్డి, ప్రిన్సిపాల్‌లు హనుమంతరావు, విజయ్‌ కుమార్‌, సత్యనారాయణ, అధ్యాపకులు, విద్యార్థులు పాల్గొన్నారు.
