Telangana Live Telangana Live News and Views 24X7
కామారెడ్డి, అక్టోబర్‌ 7
నిజామాబాద్‌ న్యూస్‌ డాట్‌ ఇన్‌ : శుక్రవారం కామారెడ్డి పట్టణ శివారులోని శ్రీ సాయిచరణ్‌ వృద్ధాశ్రమంలో ఎస్‌అండ్‌ఎస్‌ పబ్లికేషన్స్‌ అధినేత శేషుబాబు శారద దంపతుల కుమారుడు తారక్‌ నందన్‌ జన్మదినాన్ని పురస్కరించుకొని కామారెడ్డి రక్తదాతల సమూహ అధ్యక్షుడు, రచయిత డాక్టర్‌ వేద ప్రకాష్‌ అన్నదానం చేశారు.
ఇందుకోసం 5 వేల రూపాయలు అందజేశారు. కార్యక్రమానికి విచ్చేసిన రెడ్‌ క్రాస్‌, ఐవిఎఫ్‌ తెలంగాణ రాష్ట్ర రక్తదాతల సమన్వయకర్త డాక్టర్‌ బాలు మాట్లాడుతూ వృద్ధులకు చేయూతనివ్వడం అభినందనీయమని, అన్నదాన కార్యక్రమానికి ముందుకు వచ్చిన డాక్టర్‌ వేదప్రకాష్‌కు కామారెడ్డి జిల్లా కలెక్టర్‌ జితేష్‌ వి పాటిల్‌, తెలంగాణ టూరిజం కార్పొరేషన్‌ డెవలప్‌మెంట్‌ చైర్మన్‌ ఉప్పల శ్రీనివాస్‌ గుప్తా తరఫున కృతజ్ఞతలు తెలిపారు. ఇలాంటి సామాజిక సేవా కార్యక్రమాలు మునుముందు కొనసాగించాలని ఆకాంక్షించారు. కార్యక్రమంలో అడ్లూరు ఎల్లారెడ్డి వార్డు సభ్యుడు శ్రీకాంత్‌ రెడ్డి, ఆశ్రమ నిర్వాహకురాలు శారద పాల్గొన్నారు.
