యువకుని ఆత్మహత్య యత్నం

ఎడపల్లి, అక్టోబర్‌ 19

నిజామాబాద్‌ న్యూస్‌ డాట్‌ ఇన్‌ : ఆర్ధిక పరిస్తితులు బాగాలేక ఓ యువకుడు చెరువులో దూకి ఆత్మహత్యకు పాల్పడడంతో స్థానికులు, పోలీసులు కాపాడిన ఘటన ఎడపల్లి మండల కేంద్రంలో చోటుచేసుకుంది. పోలీసులు, స్థానికులు తెలిపిన వివరాలు ఇలా ఉన్నాయి. ఎడపల్లి గ్రామానికి చెందిన శివాజీ అనే 26 ఏండ్ల యువకుడు ఆర్ధిక ఇబ్బందులతో బుధవారం ఎడపల్లి పెద్ద చెరువులో దూకి ఆత్మహత్య యత్నానికి పాల్పడ్డాడు.

ఇది గమనించిన స్థానికులు, జాలర్లు వెంటనే చెరువులో దూకి యువకున్ని కాపాడారు. అలాగే పోలీసులకు సమాచారం అందించారు. దీంతో అక్కడికి చేరుకున్న పోలీసులు వెంటనే అతన్ని స్థానిక ప్రాథమిక ఆరోగ్య కేంద్రానికి తరలించారు. అనంతరం మెరుగైన చికిత్స నిమిత్తం బోధన్‌ ప్రభుత్వ ఆసుపత్రికి తరలించారు. ఈ మేరకు ఆత్మహత్య యత్నంకు గల మరిన్ని కారణాల కోసం దర్యాప్తు చేస్తున్నట్లు ఎస్సై పాండే రావు తెలిపారు.