ఎస్‌.ఆర్‌.కె. విద్యార్థులను సన్మానించిన యూనివర్సిటీ రిజిస్ట్రార్‌

కామారెడ్డి, అక్టోబర్‌ 22

నిజామాబాద్‌ న్యూస్‌ డాట్‌ ఇన్‌ : తెలంగాణ యూనివర్సిటీ గురువారం ప్రకటించిన డిగ్రీ నాల్గవ సెమిస్టర్‌ ఫలితాలలో బిటిబిసిలో 10/10 జీపీఏ సాధించిన కె.రాహుల్‌, ఎస్‌.తబస్సుమ్‌ అలాగే ఎంఎస్టిసిఎస్‌ సెకండ్‌ సెమిస్టర్‌లో వి భరణి 9.80 జిపిఏ సాధించిన వారిని తెలంగాణ యూనివర్సిటీ రిజిస్ట్రార్‌ ప్రొఫెసర్‌ విద్యావర్దిని సన్మానించారు.

ఈ సందర్బంగా మాట్లాడుతూ బాగా కష్టపడి చదవాలని, ఇప్పుడు అన్ని రకాలుగా సాంకేతిక పరిజ్ఞానం అందుబాటులో ఉన్నాయని మంచి స్థాయికి ఎదగాలని యూనివర్సిటీకి, మీరు చదివే కళాశాలకు, మీ తల్లిదండ్రులకు మంచి పేరు తీసుకురావాలని కోరారు.

2వ, 4వ సెమిస్టర్‌లలో మంచి మార్కులు సాధించిన విద్యార్థులను అభినందించారు. ఈ సందర్భంగా కళాశాల కరెస్పాండెంట్‌, సీఈఓ డా.యం.జైపాల్‌ రెడ్డి మాట్లాడుతూ కళాశాల అన్ని రకాలుగా మీకు తోడ్పాటును అందిస్తుందని తెలిపారు. కార్యక్రమంలో కళాశాల ప్రిన్సిపాల్‌ ఏ.దత్తాత్రి, కామర్స్‌ అండ్‌ సైన్స్‌ ప్రిన్సిపాల్‌ మధుసూధన్‌ రెడ్డి, వైస్‌ ప్రిన్సిపాల్స్‌ తిరుపతి రెడ్డి, సందీప్‌, బాల్‌ రెడ్డి, దత్తు కుమార్‌ అధ్యాపకులు పాల్గొన్నారు.