పేకాట రాయుళ్ల అరెస్ట్‌

ఎడపల్లి, అక్టోబర్‌ 23

నిజామాబాద్‌ న్యూస్‌ డాట్‌ ఇన్‌ : ఎడపల్లి మండలంలోని ఏఆర్పీ క్యాంప్‌ గ్రామశివారులో పేకాట ఆడుతున్న స్థావరంపై పోలీసులు దాడి చేసి ఏడుగురు పేకాట రాయుళ్లను అరెస్ట్‌ చేశారు. ఎస్సై పాండే రావు వివరాల ప్రకారం ఏఆర్పీ క్యాంప్‌ గ్రామశివారులో పేకాట ఆడుతున్నారనే సమాచారం మేరకు ఆదివారం పోలీసులు సిబ్బందితో దాడి నిర్వహించగా ఏడుగురు పేకాట రాయుళ్లను పట్టుకోవడం జరిగిందన్నారు.

వారి వద్ద నుండి 2900 రూపాయల నగదు స్వాధీనం చేసుకొని కేసు నమోదు చేసినట్లు ఆయన తెలిపారు. బహిరంగ ప్రదేశాల్లో మద్యపానం సేవించే వారిపై, అలాగే దీపావళి పండుగ సందర్భంగా పేకాట ఆడేవారిపై కఠిన చర్యలు తీసుకొంటామన్నారు.