ధన త్రయోదశి సందర్భంగా ప్రత్యేక పూజలు

వేల్పూర్‌, అక్టోబర్‌ 23

నిజామాబాద్‌ న్యూస్‌ డాట్‌ ఇన్‌ : నిజామాబాద్‌ జిల్లా బాల్కొండ నియోజకవర్గం వేల్పూర్‌ మండలం వెంకటాపూర్‌ గ్రామంలోని పరిపూర్ణ శ్రీ లక్ష్మీ వెంకటేశ్వర స్వామి దేవాలయంలో ధనత్రయోదశి సందర్భంగా ప్రత్యేక పూజలు జరిగాయని ప్రముఖ వేద పండితులు పవన్‌ శర్మ అన్నారు. ఈ సందర్భంగా శర్మ మాట్లాడుతూ స్వామివారికి మహిళలు భక్తిశ్రద్ధలతో కుంకుమార్చనలు నిర్వహించారని పంచామృతాలతో అభిషేకం చేశారని పేర్కొన్నారు.

మహిళలు పూజా కార్యక్రమాలలో పాల్గొని శ్రీ లక్ష్మీ వెంకటేశ్వర స్వామి వారి ఆశీస్సులు పొందడం జరిగిందన్నారు. ప్రతి సంవత్సరం ఆలయంలో ధన త్రయోదశి నాడు ప్రత్యేకమైన ఉత్సవాలు నిర్వహించడం జరుగుతుందని తెలిపారు. కార్యక్రమంలో భక్తులు అధిక సంఖ్యలో పాల్గొన్నారు.