ఘనంగా దీపావళి పండుగ

ఎడపల్లి, అక్టోబర్‌ 25

నిజామాబాద్‌ న్యూస్‌ డాట్‌ ఇన్‌ : ఎడపల్లి మండలంలోని ఆయా గ్రామాల్లో సోమవారం దీపావళి పండుగను ఘనంగా ప్రజలు జరుపుకున్నారు. నరకచతుర్ధశి సంధర్భంగా జరుపుకునే దీపావళి పండుగతో తమ ఇండ్లల్లో, తమ జీవితాల్లో కొత్త వెలుగులను నింపాలని కోరుకుంటూ ప్రజలు ఎంతో ఉత్సాహంగా పండుగను జరుపుకున్నారు.

ఉదయాన్నే లేచి దేవాలయాల్లో ప్రత్యేక పూజలు నిర్వహించుకున్నారు. నూతన అల్లుడ్లను అత్తగారింటికి పిలిచి దీపావళి కానుకలను సమర్పించుకున్నారు. అనంతరం తమ తమ ఇళ్లల్లో, వ్యాపార, వాణిజ్య సంస్థల్లో, కార్యాలయాల్లో లక్ష్మిపూజలు చేసుకున్నారు.

పలు కుటుంబాల్లో ఎంతో పవిత్రమైన నోము పండుగను దీపావళి సందర్భంగా కుటుంబ సభ్యులు, కొత్త అల్లుళ్లు, కోడళ్లు, దూర ప్రాంతాల బంధువుల మధ్య ఆనందంగా జరుపుకున్నారు. తదనంతరం పేల్చిన టపాసుల చప్పుళ్లు మారుమోగాయి. పలు పార్టీల నాయకులు మిఠాయిలు పంచి పెట్టారు.