రైలు ఢీకొని వ్యక్తి మృతి

ఎడపల్లి, అక్టోబర్‌ 28

నిజామాబాద్‌ న్యూస్‌ డాట్‌ ఇన్‌ : వేగంగా వెళుతున్న ట్రైన్‌ ఢీ కొట్టడంతో ఓ వ్యక్తి మృతి చెందిన ఘటన ఎడపల్లి మండలం జాన్కంపేట్‌ గ్రామ శివారులో చోటు చేసుకుంది. స్థానికుల సమాచారం ప్రకారం వివరాలిలా ఉన్నాయి. జాన్కంపేట్‌ గ్రామానికి చెందిన పెసరి వీరమల్లు (63) అనె వృద్ధుడు పుట్టుకతో మూగ, ఇతడు గ్రామానికి చెందిన ఓ వ్యక్తికి సంబంధించిన పశువులు కాస్తూ ఉంటాడు.

శుక్రవారం మధ్యాహ్నం గ్రామ శివారులోని హనుమాన్‌ ఆలయం వద్ద రైల్వే ట్రాక్‌పై వెళుతుండగా ఒక్కసారిగా బోధన్‌ నుంచి నిజామాబాదు వైపు వెళుతున్న రాయలసీమ ఎక్స్‌ప్రెస్‌ రైలు ఢీకొట్టింది. దీంతో వీర మల్లు అక్కడిక్కడే పడి మృతి చెందాడు.

సమాచారం అందుకొన్న స్థానికులు హుటాహుటిన ఘటనా స్థలానికి చేరుకుని పరిస్థితిని గమనించారు. వీరమల్లు మృతి చెందిన సమాచారం కుటుంభీకులకు అందించారు. స్థానికుల సమాచారం మేరకు రైల్వే పోలీసులు ఘటనా స్థలానికి చేరుకుని శవ పంచనామ చేసి పోస్ట్‌ మార్టం నిమిత్తం ఆస్పత్రికి తరలించారు.