శ్రీరామ స్వచ్చంద సేవా సంస్థ ఆధ్వర్యంలో దుప్పట్ల పంపిణీ

నిజామాబాద్‌, నవంబర్‌ 1

నిజామాబాద్‌ న్యూస్‌ డాట్‌ ఇన్‌ : చలి కాలం వచ్చేసింది… ఎందరో అనాథలు, అభాగ్యులు ఎముకలు కొరికే చలిలో రోడ్డుపక్కన కాలం వెళ్లదీస్తుంటారు. విషయాన్ని గమనించి స్పందించిన శ్రీరామ స్వచ్చంద సేవా సంస్థ ప్రతినిధులు వారికి సహాయం చేయాలని ముందుకొచ్చారు.

పరోపకారార్థ మిదం శరీరం అన్న సుభాషిత వాక్యాన్ని నమ్మి సంస్థ సేవా కార్యక్రమాలు చేస్తుందని తెలిపారు. నిజామాబాద్‌లోని సుమారు వంద మందికి 31వ తేదీ సోమవారం అర్ధరాత్రి నగరంలోని ప్రభుత్వ ఆసుపత్రి, బస్టాండ్‌, గాంధీచౌక్‌, పెద్ద బజార్‌ తదితర ప్రాంతాల్లో తిరుగుతూ అనాథలకు, వృద్దులకు దుప్పట్లు పంపిణీ చేశారు.

కార్యక్రమంలో సంస్థ ప్రతినిధులు శ్రీనివాస్‌, రామ్మోహన్‌, బాలకృష్ణ, రజనీకాంత్‌, ప్రసాద్‌, గంగాభూషణ్‌, రాము, రాజశేఖర్‌ పాల్గొన్నారు.