Telangana Live Telangana Live News and Views 24X7
నిజామాబాద్‌, నవంబర్‌ 12
నిజామాబాద్‌ న్యూస్‌ డాట్‌ ఇన్‌ : రాష్ట్ర ఎన్నికల కమిషనర్‌ సి.పార్థసారథితో నిజామాబాద్‌ జిల్లా అధికారులు శనివారం భేటీ అయ్యారు. పొరుగునే ఉన్న నిర్మల్‌ జిల్లా బాసరలో గల ట్రిపుల్‌ ఐ.టీలో ఇంజినీరింగ్‌ విద్యార్థులకు ప్రేరణ కల్పించే కార్యక్రమంలో పాల్గొనేందుకు రాష్ట్ర ఎన్నికల కమిషనర్‌ శనివారం బయలుదేరి వెళ్తూ, మార్గమధ్యంలో నిజామాబాద్‌ రోడ్లు-భవనాల శాఖ అతిథి గృహంలో కొద్దిసేపు బస చేశారు.
ఈ సందర్భంగా ఆయనకు జెడ్పి సీఈఓ గోవింద్‌, డీపీఓ జయసుధ, నిజామాబాద్‌ ఆర్డీఓ రవి తదితరులు స్వాగతం పలికి కమిషనర్‌ పార్థసారథితో భేటీ అయ్యారు. స్థానిక సంస్థల్లో ఖాళీలు, ఇతర అంశాల గురించి అధికారులను కమిషనర్‌ వివరాలు అడిగి తెలుసుకున్నారు. అంతకుముందు గెస్ట్‌ హౌజ్‌కు చేరుకున్న కమిషనర్‌ పార్థసారథి పోలీసుల నుండి గౌరవ వందనం స్వీకరించారు.
