షబ్బీర్‌ అలీ ఫౌండేషన్‌ ద్వారా బాలుకు అవార్డు

కామారెడ్డి, నవంబర్‌ 16

నిజామాబాద్‌ న్యూస్‌ డాట్‌ ఇన్‌ : కామారెడ్డి జిల్లా కేంద్రంలోని క్లాసిక్‌ గోల్డెన్‌ ఫంక్షన్‌ హాల్‌లో బుధవారం షబ్బీర్‌ అలీ ఫౌండేషన్‌ ఆధ్వర్యంలో ఏర్పాటుచేసిన కరోనా వారియర్‌ అవార్డును రెడ్‌ క్రాస్‌ జిల్లా, ఐవీఎఫ్‌ తెలంగాణ రాష్ట్ర రక్తదాతల సమన్వయకర్త డాక్టర్‌ బాలుకు మాజీ మంత్రి షబ్బీర్‌ అలీ అందజేశారు.

కరోనా సమయంలో 1000 యూనిట్ల రక్తాన్ని, 100 యూనిట్ల ప్లాస్మాను ప్రాణాపాయ స్థితిలో ఉన్నవారికి అందజేయడమే కాకుండా వ్యక్తిగతంగా 68 సార్లు రక్తదానం చేయడం అభినందనీయమని అన్నారు. యువత బాలును స్ఫూర్తి తీసుకొని సామాజిక సేవ కార్యక్రమాలు చేయడానికి ముందుకు రావాలని అన్నారు.