ఎంబీబీఎస్‌ సీటు సాధించిన విద్యార్థికి సన్మానం

భీమ్‌గల్‌, నవంబర్‌ 22

నిజామాబాద్‌ న్యూస్‌ డాట్‌ ఇన్‌ : భీంగల్‌ మండలం బాచన్‌ పల్లి గ్రామనికి చెందిన ఫహిం స్థానికంగా హోటల్‌ నడుపుకుంటాడు. అతని కూతురు మాహేక్‌ ఇటీవల విడుదల చేసిన నీట్‌ పరీక్ష ఫలితాల్లో 3076 ర్యాంక్‌తో ఎంబీబీఎస్‌ సీటు సాధించింది.

మంగళవారం ఆరెంజ్‌ ట్రావెల్స్‌ అధినేత ముత్యాల సునీల్‌ కుమార్‌ బాచన్‌పల్లి గ్రామంలో విద్యార్థినిని కలుసుకొని అభినందించి సన్మానించారు. కోర్సును పూర్తిచేసి డాక్టర్‌గా పేద ప్రజలకు సేవ చేయాలని ఆయన ఆకాంక్షించారు. కార్యక్రమంలో సునీల్‌ సేన సభ్యులు పాల్గొన్నారు.