Telangana Live Telangana Live News and Views 24X7
ఎడపల్లి, నవంబర్‌ 28
నిజామాబాద్‌ న్యూస్‌ డాట్‌ ఇన్‌ : ఎడపల్లి మండలంలోని ఏఆర్పీ క్యాంప్‌ గ్రామంలోని శ్రీ సీతరామ గోశాలలో గోవులకు లంపీ వైరస్‌ సోకడంతో పలు గోవులు అనారోగ్య సమస్యలతో బాధపడుతున్నాయి. ఈ క్రమంలో గోవులకు ఎడపల్లి మండల పశు వైద్య సిబ్బంది, వెటర్నరీ అసిస్టెంట్‌ సఫీ చికిత్సలు ప్రారంభించారు.
సోమవారం ఓ గోవు లంపీ వైరస్‌తో అనారోగ్యం బారిన పడడంతో వెటర్నరీ అసిస్టెంట్‌ సఫీయోద్దిన్‌ అక్కడికి చేరుకుని చికిత్సలు ప్రారంభించారు. దీంతో గోవుల్లో వైరస్‌ లక్షణాలు ఉన్నప్పుడు గోవు నీరసంగా కనబడుతూ, శరీరంపై బొడిపెలు వస్తాయని ఆందోళన చెందాల్సిన అవసరం లేదని వెటర్నరీ సిబ్బంది పేర్కొన్నారు. లక్షణాలు కనబడగానే తమకు తెలియజేయాలని సూచించారు.
