Telangana Live Telangana Live News and Views 24X7
నిజామాబాద్‌, డిసెంబరు 3
నిజామాబాద్‌ న్యూస్‌ డాట్‌ ఇన్‌ : పోలీస్‌ రిక్రూటుమెంటులో శరీరదారుఢ్య పరీక్షల కోసం పోలీస్‌ సిబ్బందికి పోలీస్‌ కమీషనర్‌ నాగరాజు అవగాహన కల్పించారు. నిజామాబాద్‌ పోలీస్‌ కమీషనరేటు పరిధిలోని పోలీస్‌ రిక్రూటుమెంటులో ఆర్హత సాధించిన వారికి శారీరధారుఢ్య పరీక్షల కోసం పోలీస్‌ కమీషనరేటు కార్యాలయ మిని కాన్ఫెరెన్స్‌ హాలులో శనివారం పోలీస్‌ సిబ్బందికి, పోలీస్‌ కార్యాలయ సిబ్బందికి ప్రత్యేక అవగాహన కార్యక్రమం ఏర్పాటు చేశారు.
ఈ సందర్భంగా పోలీస్‌ కమీషనర్‌ మాట్లాడుతూ ఈనెల 8 నుండి నాగారం రాజారామ్‌ స్టేడియంలో శరీరదారుఢ్య పరీక్షల్లో పాల్గొనే అభ్యర్థులతో మర్యాదగా ప్రవర్తించాలని సూచించారు. అభ్యర్థులను మాత్రమే గ్రౌండ్‌లోనికి అనుమతించాలని, విధి నిర్వహణలో భాద్యతాయుతంగా ఉండాలని సిపి స్పష్టం చేశారు. ప్రతీ ఒక్కరు సి.సి కెమెరాల నిఘాలో ఉంటారని, అభ్యర్థులకు ట్రాఫిక్‌ సమస్యలు లేకుండా చూడాలని, రూట్‌ మ్యాప్‌ తయారు చేయాలని ఆయన ఆదేశించారు.
ప్రతీ కౌంటర్‌ వద్ద అభ్యర్థులను వరుసక్రమంలో కూర్చోబెట్టాలని, ఎవ్వరికి ఎలాంటి సందేహాలు ఉన్నా పైఅధికారులకు తెలియజేయాలని అన్నారు. ఈ అవగాహన కార్యక్రమంలో డిప్యూటి కమీషనర్‌ ఆఫ్‌ పోలీస్‌ వి. అరవింద్‌ బాబు, అదనపు డి.సి.పి గిరిరాజు, నిజామాబాద్‌, ఆర్మూర్‌, సి.సి.ఎస్‌, సి.టి.సి ఎ.సి.పిలు ఎ. వెంకటేశ్వర్‌, ఆర్‌. ప్రభాకర్‌ రావు, రమేష్‌, శ్రావణ్‌ కుమార్‌, ఎ.ఓ రామారావు, స్పెషల్‌ బ్రాంచ్‌ ఇన్స్పెక్టర్‌ శైలం, సి.ఐలు, ఎస్‌.ఐలు, పోలీస్‌ కార్యాలయం సిబ్బంది, ఐ.టి కోర్‌ సిబ్బంది పాల్గొన్నారు.
