18న టి.యు.డబ్ల్యూ.జే (ఐ.జే.యు) మహాసభ

నిజామాబాద్‌, డిసెంబరు 4

నిజామాబాద్‌ న్యూస్‌ డాట్‌ ఇన్‌ : టి.యు.డబ్ల్యు.జే (ఐ.జే.యు) మహాసభను ఈ నెల 18న నిర్వహించనున్నట్లు నిజామాబాద్‌ జిల్లా అధ్యక్షులు బొబ్బిలి నరసయ్య అదివారం ఒక ప్రకటనలో తెలిపారు. జిల్లాలోని టి.యు.డబ్ల్యూ.జే (ఐ జే యు) సభ్యులంతా మహాసభకు సిద్ధం కావాలని, ప్రతి ఒకరు 18న జరిగే సభకు హాజరుకావాలని పిలుపునిచ్చారు.

ఈ మహాసభను నిజామాబాద్‌ నగరంలోని రాజీవ్‌ గాంధీ ఆడిటోరియంలో ఏర్పాటు చేశామని తెలిపారు. అలాగే మహాసభ అనంతరం టి.యు.డబ్ల్యూ.జే (ఐజేయు) జిల్లా కమిటీకి ఎన్నికలు నిర్వహించనున్నట్లు తెలిపారు. ఈ ఎన్నికలకు సైతం సభ్యులు సిద్ధంగా ఉండాలని కోరారు. ఈ మహాసభకు ముఖ్య అతిథిగా రాష్ట్ర అధ్యక్షులు నంగునూరు శేఖర్‌, రాష్ట్ర ప్రధాన కార్యదర్శి వీరహాత్‌ అలీ హాజరవుతున్నారని తెలిపారు.