అన్ని విషయాలలో అంబేడ్కర్‌ నిపుణుడు

కామారెడ్డి, డిసెంబరు 6

నిజామాబాద్‌ న్యూస్‌ డాట్‌ ఇన్‌ : కామారెడ్డి కలెక్టర్‌ కార్యాలయంలో మంగళవారం అంబేద్కర్‌ వర్ధంతి వేడుకలు ఘనంగా నిర్వహించారు. అంబేద్కర్‌ చిత్రపటానికి జిల్లా కలెక్టర్‌ జితేష్‌ వి పాటిల్‌ పూలమాలలు వేసి నివాళులు అర్పించారు. ఈ సందర్భంగా ఆయన మాట్లాడారు.

రాజ్యాంగ నిర్మాత అంబేద్కర్‌ జీవిత చరిత్రను విద్యార్థులకు తెలియజేయాలని సూచించారు. అన్ని సబ్జెక్టులలో అంబేద్కర్‌ నిపుణుడని కొనియాడారు. కార్యక్రమంలో జిల్లా రెవెన్యూ అదనపు కలెక్టర్‌ చంద్రమోహన్‌, జిల్లా స్థానిక సంస్థల అదనపు కలెక్టర్‌ వెంకటేష్‌ దోత్రే, సీఈఓ రాజారాం, జిల్లా ఎస్సీ కులాల అభివృద్ధి అధికారిని రజిత, లీడ్‌ బ్యాంక్‌ మేనేజర్‌ చిందం రమేష్‌, టీఎన్జీవోస్‌ జిల్లా అధ్యక్షుడు నరాల వెంకటరెడ్డి, కార్యదర్శి సాయిలు, వివిధ శాఖల అధికారులు పాల్గొన్నారు.