Telangana Live Telangana Live News and Views 24X7
ఎడపల్లి, డిసెంబరు 15
నిజామాబాద్‌ న్యూస్‌ డాట్‌ ఇన్‌ : ఎడపల్లి మండల కేంద్రం శివారులోని సాటాపూర్‌ గేటు వద్ద నిజామాబాదు నుంచి బోధన్‌కు అక్రమంగా తరలుతున్న రేషన్‌ బియ్యం వాహనాన్ని గురువారం ఉదయం టాస్కుఫోర్స్‌ అధికారులు, ఎడపల్లి పోలీసులు పట్టుకున్నారు.
వివరాలిలా ఉన్నాయి. నిజామాబాద్‌ వైపు నుంచి టాటా బొలెరో వాహనంలో బోధన్‌కు బియ్యం అక్రమంగా తరలిస్తున్నారనే సమాచారం మేరకు నిఘా వేసి అక్రమ పిడీఎస్‌ బియ్యం సుమారు 28 క్వింటాళ్ళ బియ్యం వాహనంను పట్టుకున్నట్లు టాస్క్ఫోర్స్‌ అధికారి సీఐ శ్రీధర్‌ తెలిపారు.
వాహనం డ్రెవర్‌ ఫిరోజ్‌ ఖాన్‌ తో పాటు సోహెల్‌ అనే వ్యక్తులను అదుపులో తీసుకొని వాహనాన్ని పోలీస్‌ స్టేషన్‌ కు తరలించి కేసు నమోదు చేసినట్లు ఆయన తెలిపారు. రేషన్‌ బియ్యాన్ని సివిల్‌ సప్లైకి తరలించడం జరిగిందన్నారు.
