గవర్నర్‌ చేతుల మీదుగా ఉత్తమ పురస్కారం

బోధన్‌, డిసెంబరు 16

నిజామాబాద్‌ న్యూస్‌ డాట్‌ ఇన్‌ : బోధన్‌ పట్టణ లయన్స్‌ క్లబ్‌ బోధన్‌ బసవేశ్వర రావు లయన్స్‌ క్లబ్‌ ఆధ్వర్యంలో చేస్తున్న సామాజిక సేవలను గుర్తించి ఇండియన్‌ రెడ్‌ క్రాస్‌ సొసైటీ వారు ఉత్తమ పురస్కారానికి ఎంపిక చేశారు. ఈ సందర్భంగా గురువారం హైదరాబాద్‌ నగరంలో ఏర్పాటు చేసిన సన్మాన కార్యక్రమంలో రాష్ట్ర గవర్నర్‌ తమిళసై సౌందరరాజన్‌ చేతుల మీదుగా బోధన్‌ లయన్స్‌ క్లబ్‌ బసవేశ్వర రావు ఉత్తమ పురస్కారాన్ని అందుకున్నారు.

ఈ సందర్భంగా మాట్లాడుతూ పురస్కారాలు భవిష్యత్తులో మరిన్ని సేవా కార్యక్రమాలు చేయడానికి ఉత్సాహాన్నికల్పిస్తాయని ఆయన అన్నారు. అవార్డుకి ఎంపిక చేసిన ప్రతి ఒక్కరికి కృతజ్ఞతలు తెలిపారు. లయన్స్‌ క్లబ్‌ ప్రతినిధులు ప్రజాప్రతినిధులు ఆయనకు అభినందనలు తెలిపారు.