Telangana Live Telangana Live News and Views 24X7
డిచ్‌పల్లి, డిసెంబరు 16
నిజామాబాద్‌ న్యూస్‌ డాట్‌ ఇన్‌ : తెలంగాణ యూనివర్సిటీలో శుక్రవారం జరిగిన అంతర కళాశాలల వాలీబాల్‌ (బాలికల) టోర్నమెంట్‌లో పాల్గొనడానికి వచ్చిన వివిధ డిగ్రీ, పిజి కళాశాలల క్రీడాకారులను యూనివర్సిటీ వైస్‌ఛాన్స్‌లర్‌ ఆచార్య రవీందర్‌ గుప్త పరిచయం చేసుకున్నారు.
ఈ సందర్భంగా ఏర్పాటు చేసిన సమావేశంలో వైస్‌ఛాన్స్‌లర్‌ మాట్లాడుతూ విద్యార్థినిలు క్రీడలలో ముందుండాలని, క్రీడలు మానసిక, శారీరక వికాసానికి దోహదపడతాయన్నారు. అనంతరం విజేతలకు యూనివర్సిటీ రిజిస్ట్రార్‌ ఆచార్య విద్యావర్ధిని షీల్డు, సర్టిఫికెట్లు ప్రదానం చేశారు. కార్యక్రమంలో స్పోర్ట్స్‌ అండ్‌ గేమ్స్‌ డైరెక్టర్‌ డాక్టర్‌ సంపత్‌, డాక్టర్‌ రాజయ్యనేత, కళాశాల ప్రిన్సిపాల్‌ డాక్టర్‌ ఆరతి, తదితరులు పాల్గొన్నారు.
