ద్విచక్ర వాహనాల దొంగ అరెస్ట్‌

బాన్సువాడ, డిసెంబరు 21

నిజామాబాద్‌ న్యూస్‌ డాట్‌ ఇన్‌ : ద్విచక్ర వాహనాలను దొంగతనం చేస్తున్న మహ్మద్‌ హుస్సేన్‌ హైదర్‌ అనే వ్యక్తిని అరెస్టు చేసినట్లు టౌన్‌ సీఐ మహేందర్‌ రెడ్డి తెలిపారు.

ఈ సందర్భంగా ఆయన మాట్లాడుతూ ఈనెల 20వ తేదీన సాయంత్రం సమయంలో తాడుకోలు చౌరస్తాలో వాహనాల తనిఖీ నిర్వహిస్తున్న సమయంలో ఒక వ్యక్తి పోలీసులను చూసి పారిపోవడానికి ప్రయత్నించగా పట్టుకొని విచారించడంతో వాహనానికి సంబంధించిన పత్రాలు లేకపోవడంతో తాను దొంగలించిన హీరో హోండా 100 సిసి బైక్‌, బాన్సువాడలో మాస్‌ మోటార్‌ మెకానిక్‌ షాప్‌ ముందు పార్కింగ్‌ చేసి ఉన్న హీరో హోండాను దొంగతనం చేసినట్లు పేర్కొనడం జరిగిందన్నారు.

16 తేదీన బిచ్కుందలోని ఎల్లమ్మ వైన్‌ సమీపంలో మరో స్పెండర్‌ బైక్‌ దొంగలించుకొని వచ్చి బాన్సువాడ బస్టాండ్‌ వెనుక వైపు దాచి పెట్టడంతో దాచిపెట్టిన స్థలానికి వెళ్ళగా స్పెండర్‌ ప్రో బైక్‌ ఏపి 25 ఏఇ 0792 వాహనం గుర్తించడం జరిగిందన్నారు. నిందితుడితో సహా రెండు ద్విచక్ర వాహనాలు పోలీస్‌ స్టేషన్‌కు తరలించి, నిందితుని అరెస్టు చేసి కోర్టు ముందు హాజరు పరుస్తామని ఆయన తెలిపారు.