వరి నాట్లు వేసిన విద్యార్థులు

నవీపేట్‌, డిసెంబరు 23

నిజామాబాద్‌ న్యూస్‌ డాట్‌ ఇన్‌ : జాతీయ కిసాన్‌ దినోత్సవం సందర్భంగా నవీపెట్‌ మండల కేంద్రంలోని లిటిల్‌ ఫ్లవర్‌ హై స్కూల్‌ విద్యార్థులు పంట పొలాలను సందర్శించి అక్కడి రైతులకు గులాబి పువ్వులు అందిస్తూ రైతు దినోత్సవ శుభాకాంక్షలు చెప్పారు.

వరినారు, నాటుట, కలుపు, పంట కోతల గురించి రైతులను అడిగి తెలుసుకున్నారు. తదనంతరం రైతు పొలంలో వరి నాటే మడిని శుభ్రం చేసి నాట్లు వేశారు. కార్యక్రమంలో కరస్పాండెంట్‌ హనండ్లు, ఉపాధ్యాయులు సాయిరెడ్డి, శివచరణ్‌, సుజాత, ప్రత్యూష, విద్యార్థులు పాల్గొన్నారు.