ముగిసిన వాజ్‌ పాయ్‌ స్మారక క్రికెట్‌ టోర్నమెంట్‌

ఎడపల్లి, డిసెంబరు 25

నిజామాబాద్‌ న్యూస్‌ డాట్‌ ఇన్‌ : ఎడపల్లి మండలంలోని ఏఆర్పీ క్యాంప్‌ గ్రామంలో మాజీ ప్రధానమంత్రి అటల్‌ బిహారీ వాజ్‌ పాయ్‌ స్మారకార్థం ఆదివారం జిల్లా స్థాయి క్రికెట్‌ టోర్నమెంట్‌ ముగింపును నిర్వహించారు. బోధన్‌ నియోజకవర్గ అసెంబ్లీ కన్వీనర్‌, వడ్డేపల్లి సర్పంచ్‌ కూరెళ్ళ శ్రీధర్‌ ఆద్వర్యంలో ఈ నెల15 న ప్రారంభించిన పోటీల్లో 20 టీంలు పాల్గొన్నాయని నిర్వాహకులు తెలిపారు.

ఈ సందర్భంగా నిర్వాహకులు మాట్లాడుతూ.. అటల్‌ బిహారి వాజ్‌ పాయ్‌ స్మారకార్థం ఈ ఏటా గ్రామీణ ప్రాంతాల్లో క్రీడా పోటీలు నిర్వహించామని వారు వెల్లడిరచారు. ఈ మేరకు ఆదివారం ఫైనల్‌ పోటీల్లో విజేతలుగా నిలిచిన ఎడపల్లి జట్టుకు మొదటి బహుమతి కింద రూ.5555, రన్నర్‌గా నిలిచిన ఏఆర్పీ క్యాంప్‌ జట్టుకు రూ. 2222 అందించామని తెలిపారు. అలాగే మ్యాన్‌ ఆఫ్‌ ద సిరీస్‌ కు రూ. 1111 ఇవ్వడం జరిగిందని అన్నారు.