మహిళా హక్కుల తొలి గళం సావిత్రి బాయి పూలే

నిజామాబాద్‌, జనవరి 3

నిజామాబాద్‌ న్యూస్‌ డాట్‌ ఇన్‌ : నిజామాబాద్‌ జిల్లా బీసీ సంక్షేమ సంఘం ఆధ్వర్యంలో చదువుల తల్లి సావిత్రి బాయి ఫూలే 191వ జయంతి వేడుకలు ఘనంగా నిర్వహించారు. కేవలం బడుగు బలహీన వర్గాల వారికే కాకుండా అగ్రవర్ణాల నిరుపేదలకు కూడ తాను స్థాపించిన పాఠశాలలో 150 సంవత్సరాల క్రిందటే చదువు నేర్పిన గొప్ప దార్శనికురాలు సావిత్రి బాయి ఫూలే అని, తమ జీవిత కాలంలో దాదాపు 52 పాఠశాలలు స్థాపించి సామాజ అభ్యున్నతి కొరకు పని చేసిన నిస్వార్థ నారీ శిరోమణి సావిత్రి బాయి పూలే అని జిల్లా అధ్యక్షులు నరాల సుధాకర్‌ అన్నారు.

కార్యక్రమంలో హన్మంత్‌ రావు, చంద్రకాంత్‌, గోపి, సాయిలు, చంద్రమోహన్‌, అనిల్‌, దశరథ్‌, సత్యం బస్వరాజ్‌, శ్రీనివాస్‌ తదితరులు పాల్గొన్నారు.