Telangana Live Telangana Live News and Views 24X7
నిజామాబాద్‌, జనవరి 4
నిజామాబాద్‌ న్యూస్‌ డాట్‌ ఇన్‌ : ‘‘పరాక్రమ్‌ దివస్‌’’ నేతాజీ సుభాష్‌ చంద్రబోస్‌ జయంతి సందర్భంగా భాగంగా యువతీయువకులకు ఉపన్యాసపోటీలు నిర్వహించనున్నట్లు నెహ్రూ యువ కేంద్ర జిల్లా యువజన అధికారిణి శైలి బెల్లాల్‌ తెలిపారు.
నెహ్రూ యువ కేంద్ర ఆధ్వర్యంలో నిర్వహిస్తున్న ఈ పోటీలలో పాల్గొనే వారు 15సంవత్సరాల నుండి 29 సంవత్సరాల లోపు ఉండాలని, కేవలం 5 నిమిషాల లోపే ఉపన్యాసన్ని పూర్తి చేయాలని తెలిపారు.
నేతాజీ సుభాష్‌ చంద్రబోస్‌ జీవితం – ఆయన నుంచి యువత నేర్చుకోవాల్సిన సందేశం, ఈ పోటీలలో పాల్గొన్నవారందరికీ ప్రశంసాపత్రం ఇవ్వడం జరుగుతుందని, పోటీలో గెలుపొందిన వారు తదుపరి రాష్ట్ర స్థాయికి, అక్కడ గెలిస్తే జాతీయస్థాయికి వెళ్లడం జరుగుతుందని తెలిపారు.
జాతీయ స్థాయిలో నిర్వహించే కార్యక్రమంలో భారత ప్రధానమంత్రి నరేంద్ర మోడీ పాల్గొంటారన్నారు.
ఈనెల 7న ఉదయం 10 గంటలకు నిజామాబాద్‌ నగరంలోని సుభాష్‌నగర్‌లో గల నెహ్రూ యువకేంద్రంలో ఉపన్యాస పోటీ ఉంటుందన్నారు. మరిన్ని వివరాలకు నెహ్రూ యువ కేంద్ర ఆఫీస్‌ నెంబరు 9100435410 ను ఆఫీసు సమయాల్లో సంప్రదించాలని పేర్కొన్నారు.
