ఆకట్టుకున్న ఉపన్యాసాలు

నిజామాబాద్‌, జనవరి 7

నిజామాబాద్‌ న్యూస్‌ డాట్‌ ఇన్‌ : నెహ్రూ యువ కేంద్ర నిజామాబాద్‌ ఆధ్వర్యంలో నేతాజీ సుభాష్‌ చంద్రబోస్‌ జయంతి (పరాక్రమ్‌ దివస్‌) సందర్భంగా జిల్లా స్థాయి ఉపన్యాస పోటీలు సుభాష్‌ నగర్‌ లోని నెహ్రూ యువ కేంద్ర కార్యాలయంలో నిర్వహించారు. జిల్లా యువజన అధికారిణి శైలి బెల్లాల్‌, ఆకాశవాణి అధికారి మోహన్‌ దాస్‌ నేతాజీ చిత్రపటానికి పూలమాల వేసి ఉపన్యాస పోటీలు ప్రారంభించారు.

వివిధ మండలాల నుంచి పాల్గొన్న 22 మంది యువతీ యువకులు నేతాజీ సుభాష్‌ చంద్రబోస్‌ గురించి ఉపన్యాసాలు చేస్తూ తమ యొక్క అద్భుతమైన ఉపన్యాస కళను ప్రదర్శించారు. 5 నిమిషాల గడువులో నేతాజీ గురించి ఎన్నో కొత్త కొత్త విషయాలను ప్రస్తావిస్తూ ఎంతో ఉత్సాహంగా స్ఫూర్తివంతమైన విషయాలను పంచుకున్నారు. పోటీలకు న్యాయనిర్ణేతగాలుగా వ్యవహరించిన జిల్లా యువజన అధికారిణి శైలి బెల్లాల్‌, మోహన్‌ దాస్‌ విజేతను ప్రకటించారు.

నిజామాబాద్‌ నగరంలోని గాజుల పేటకు చెందిన దాకాయి మాల్యద ప్రథమ స్థానంలో నిలిచి రాష్ట్ర స్థాయి పోటీలకు ఎంపికైనట్టు తెలిపారు. పాల్గొన్న వారికి ప్రశంసా పత్రాలు అందజేశారు, గెలుపొందిన మాల్యదను ప్రత్యేకంగా అభినందించారు. కార్యక్రమంలో నెహ్రూ యువ కేంద్ర సిబ్బంది లత, హరీష్‌, లక్ష్మీ తదితరులు పాల్గొన్నారు.