ప్రతిభావంతులకు సన్మానం

ఆర్మూర్‌, జనవరి 17

నిజామాబాద్‌ న్యూస్‌ డాట్‌ ఇన్‌ : ఆర్మూర్‌ పట్టణం రెండవ వార్డు పరిధిలోని జిరాయత్‌ నగర్‌లో నివసించే క్షత్రియ సమాజ్‌కు చెందిన జనార్దన్‌ స్వాతి ఇటీవల గ్రూప్‌ 1 ప్రిలిమ్స్‌లో ఉత్తీర్ణులు అయిన శుభ సందర్బములో స్థానిక కౌన్సిలర్‌ సంగీతా ఖాందేష్‌ ఆమెకు శాలువా పూల మాలలతో ఘనంగా సన్మానించారు.

ఈ సందర్బంగా సంగీతా ఖాందేష్‌ మాట్లాడుతూ క్షత్రియ సమాజ్‌కు చెందిన క్షత్రియ ముద్దు బిడ్డలు జనార్దన్‌ స్వాతి, మోహన్‌ కూడా గ్రూప్‌ 1 ప్రిలిమ్స్‌లో ఉత్తీర్ణులు కావడం క్షత్రియ సమాజ్‌కు గర్వకారణం అన్నారు.

సమాజ్‌ అధ్యక్షులు మదన్‌ మోహన్‌, కార్యదర్శి గంగా మోహన్‌, క్షత్రియ ప్రాంతీయ సమాజ్‌ రాష్ట్ర అధ్యక్షులు విశ్వనాధ్‌ రవీందర్‌, రాష్ట్ర కార్యనిర్వహణ కార్యదర్శి ఖాందేష్‌ శ్రీనివాస్‌ దృష్టికి తీసుకెళ్లి ప్రాంతీయ సమాజ్‌ ద్వారా ప్రోత్సాహం లభించేలా కృషి చేస్తామని తెలిపారు. కార్యక్రమములో బిఆర్‌ఎస్‌ నాయకులు ఖాందేష్‌ సత్యం, స్థానికులు, వారి కుటుంభ సభ్యులు తదితరులు పాల్గొన్నారు.