Telangana Live Telangana Live News and Views 24X7
ఎడపల్లి, జనవరి 18
నిజామాబాద్‌ న్యూస్‌ డాట్‌ ఇన్‌ : ఎడపల్లి మండల కేంద్రం శివారులో సాటాపూర్‌ గేటు డీఎం ఫంక్షన్‌ హాల్‌ వద్ద బోధన్‌-నిజామాబాద్‌ ప్రధాన రహదారిపై రోడ్డు పక్కన గల హద్దు రాళ్లను ఢీకొని యువకునికి తీవ్రగాయాలై మృతి చెందాడు. వివరాలిలా ఉన్నాయి..
ఎడపల్లి మండలంలోని వడ్డే పల్లి గ్రామానికి చెందిన ఇమామ్‌ అనే యువకుడు బైక్‌ పై ఎమ్మెస్సి ఫారం నుండి బోధన్‌ వైపు వెళుతూ సాటాపూర్‌ గేటు వద్ద గల డీఎం ఫంక్షన్‌ హాల్‌ వద్ద ప్రదవశాత్తూ అదుపుతప్పి రోడ్డు ప్రక్కన గల హద్దు రాళ్లను ఢీకొట్టడంతో బైక్‌ పై నుండి పడి తలకు,ముఖానికి, చేతులకు తీవ్ర గాయాలయ్యాయి.
ప్రమాద ఘటనను గమనించిన స్థానికులు హుటాహుటిన బోధన్‌ ప్రభుత్వ ఆసుపత్రికి తరలించారు. పరిస్థితి విషమించడంతో చికిత్స పొందుతూ మృతి చెందాడు. మృతుని కుటుంబీకుల పిర్యాదు మేరకు కేసు నమోదు చేసి దర్యాప్తు చేస్తున్నట్లు ఏ ఎస్సై ఇలియాస్‌ తెలిపారు.
