Telangana Live Telangana Live News and Views 24X7
ఎల్లారెడ్డి, జనవరి 23
నిజామాబాద్‌ న్యూస్‌ డాట్‌ ఇన్‌ : సదాశివ నగర్‌ మండల కాంగ్రెస్‌ పార్టీ కార్యాలయంలో సోమవారం ఏర్పాటు చేసిన పత్రిక విలేకరుల సమావేశంలో ఎల్లారెడ్డి అసెంబ్లీ నియోజకవర్గ కాంగ్రెస్‌ పార్టీ ఇన్చార్జి వడ్డపల్లి సుభాష్‌ రెడ్డి మాట్లాడారు.
రాహుల్‌ గాంధీ దేశంలో కాశ్మీర్‌ నుండి కన్యాకుమారి వరకు చేపట్టిన ‘‘భారత్‌ జోడో యాత్ర’’కు అనుసంధానంగా రాహుల్‌ గాంధీ సందేశాన్ని నియోజకవర్గంలోని గ్రామ గ్రామానికి పల్లె పల్లెకు గడపగడపకు తెలియజేసే విధంగా ఎల్లారెడ్డి నియోజకవర్గంలో ఈనెల 26 తేదీ నుండి రామారెడ్డి మండల కేంద్రం నుండి యాత్ర ప్రారంభించడం జరుగుతుందని తెలిపారు.
యాత్రలో దేశంలో బిజెపి ప్రభుత్వం చేస్తున్న మత విద్వేషాల రాజకీయాలను అదేవిధంగా రాష్ట్రంలో గత తొమ్మిదిన్నర సంవత్సరాలనుండి ఈ టీఆర్‌ఎస్‌ సర్కారు చేస్తున్న మోసాలను ఎల్లారెడ్డి నియోజకవర్గంలో ప్రతి పల్లె పల్లెకు గడపగడపకు తిరుగుతూ రాహుల్‌ గాంధీ భారత్‌ జోడో యాత్ర సందేశాన్ని వివరించడం జరుగుతుందని తెలిపారు.
