Telangana Live Telangana Live News and Views 24X7
నిజామాబాద్‌, జనవరి 23
నిజామాబాద్‌ న్యూస్‌ డాట్‌ ఇన్‌ : నేతాజీ సుభాష్‌ చంద్రబోస్‌ జయంతి సందర్భంగా బార్‌ అసోసియేషన్‌ ఆధ్వర్యంలో పరాక్రమ దివస్‌గా పాటిస్తూ జిల్లా కోర్టు ఆవరణంలోని అసోసియేషన్‌ హాల్లో సుభాష్‌ చంద్రబోస్‌ చిత్రపటానికి బార్‌ అసోసియేషన్‌ అధ్యక్షుడు ఎర్రం గణపతి పూలమాలలు వేసి ఘనంగా నివాళులర్పించారు.
అనంతరం మాట్లాడుతూ దేశ స్వాతంత్ర ఉద్యమంలో ఆయన చేసిన సేవలు మరువలేనివని నేటి యువత ఆయన స్ఫూర్తితో ముందుకు నడవాలని కోరారు. కార్యక్రమంలో అసోసియేషన్‌ కార్యదర్శి నరేందర్‌ రెడ్డి, న్యాయవాది పరిషత్‌ జిల్లా ప్రధాన కార్యదర్శి జగన్మోహన్‌ గౌడ్‌, సీనియర్‌ న్యాయవాదులు రాజ్‌కుమార్‌ సుబేదార్‌, ఆకుల రమేష్‌, వసంతరావు, చంద్రశేఖర్‌ గౌడ్‌, బిట్ల రవి, ఉదయ్‌ కృష్ణ, రత్నాకర్‌ రెడ్డి, పిల్లి శ్రీకాంత్‌, దొంపాల్‌ సురేష్‌, ఆరేటి నారాయణ, సంతోష్‌ నాగ్‌, చిన్న నాయక్‌, తదితరులు పాల్గొన్నారు.
