ఆస్తి కోసం భర్తను చంపిన భార్య

బాన్సువాడ, జనవరి 31

నిజామాబాద్‌ న్యూస్‌ డాట్‌ ఇన్‌ : మండలంలోని తాడ్కొల్‌ గ్రామానికి చెందిన తుమ్మల వెంకటరెడ్డి ఈనెల 23న హత్యకు గురి కావడంతో పోలీసులు దర్యాప్తు చేపట్టి భార్య అయిన తుమ్మల రుక్మిణి అరెస్టు చేసి రిమాండ్‌కు తరలించినట్లు సిఐ మహేందర్‌ రెడ్డి తెలిపారు.

వెంకట్‌ రెడ్డి తన ఆస్తిని అక్కచెల్లెళ్లకు ఇస్తానని చెప్పడంతో భార్య అయిన రుక్మిణి రోకలిబండతో చంపి వేసినట్లు ఒప్పుకోవడం జరిగిందని నిందితురాలిని అరెస్టు చేసి మంగళవారం రిమాండ్‌కు తరలించినట్లు ఆయన తెలిపారు. కేసు చేదించడంలో సిఐ మహేందర్‌ రెడ్డి, క్రైమ్‌ స్టాప్‌ ఓంకార్‌, గంగాధర్‌లను జిల్లా పోలీసు ఉన్న అధికారులు ఎస్పీ అభినందించారని ఆయన తెలిపారు. ఏఎస్‌ఐ రవీందర్‌, పోలీస్‌ సిబ్బంది తదితరులు పాల్గొన్నారు.