గుర్తు తెలియని మృతదేహం లభ్యం

రెంజల్‌, ఫిబ్రవరి 3

నిజామాబాద్‌ న్యూస్‌ డాట్‌ ఇన్‌ : రెంజల్‌ మండలంలోని నీల గ్రామ శివారులోని పసుపు వాగులో శుక్రవారం గుర్తుతెలియని మృతదేహం లభ్యమైనట్లు రేంజల్‌ ఎస్సై సాయన్న తెలిపారు. ఆయన తెలిపిన వివరాలు ఇలా ఉన్నాయి.

గ్రామ శివారులోని పసుపు వాగులో నీటిపై తేలే ఆడుతున్న మృతదేహం కనబడడంతో గ్రామస్తులు సమాచారం అందించారని గ్రామస్థుల సమాచారం మేరకు సంఘటన స్థలానికి చేరుకొని జాలర్ల సహాయంతో మృతదేహాన్ని బయట తీయడం జరిగిందన్నారు. మృతుడికి సంబంధించిన వివరాలను సేకరిస్తున్నట్లు ఆయన తెలిపారు.

సమాచారం తెలుసుకున్న బోధన్‌ రూరల్‌ సీఐ శ్రీనివాస్‌ రాజ్‌ సంఘటన స్థలానికి చేరుకొని మృతదేహాన్ని పరిశీలించారు. గుర్తు తెలియని వ్యక్తులు హత్య చేసి ఉంటారని నిందితులను త్వరలోనే పట్టుకుంటామని ఆయన అన్నారు. మృతుడికి సంబంధించిన వివరాలను సేకరిస్తున్నట్లు ఆయన తెలిపారు. నిందితులను త్వరలోనే పట్టుకుంటామన్నారు.