బైక్‌ను డీకొన్న లారీ… యువకుడికి తీవ్ర గాయాలు

ఎడపల్లి, ఫిబ్రవరి 8

నిజామాబాద్‌ న్యూస్‌ డాట్‌ ఇన్‌ : ఎడపల్లి మండలంలోని జానకంపేట గ్రామ సమీపంలో గల అశోక్‌ సాగర్‌ దర్గా వద్ద బుధవారం జరిగిన రోడ్డు ప్రమాదంలో యువకుడికి తీవ్ర గాయాలు కాగా ప్రాణాలతో కొట్టుమిట్టాడుతున్న యువకుడిని 108 ద్వారా నిజామాబాద్‌ ప్రభుత్వ ఆసుపత్రికి తరలించారు.

స్థానికులు తెలిపిన వివరాలు ఇలా ఉన్నాయి. ఎడపల్లి మండలంలోని ఎంఎస్సి ఫారం గ్రామానికి చెందిన అన్నారం రాజు అనే యువకుడు నిజామాబాద్‌ మున్సిపాలిటీలో తాత్కాలిక పద్దతిలో విధులు నిర్వహిస్తూ తన పనులు పూర్తి చేసుకొని టి ఎస్‌ 16 ఈ వి 0648 నంబర్‌ బైక్‌ పై ఇంటికి తిరిగి వస్తుండగా ముందుగా వెళుతున్న కారును ఓవర్టేక్‌ చేసే క్రమంలో ఎదురుగా వస్తున్న టీఎస్‌16 యూబి 8765 నెంబరు గల లారీని ఢీకొట్టాడు దీంతో రాజుకు తీవ్ర గాయాలయ్యాయి.

స్థానికులు 108 అంబులెన్సు లో నిజామాబాదు లోని ప్రభుత్వ ఆసుపత్రికి తరలించారు. కేసు నమోదు చేసుకొని దర్యాప్తు చేస్తున్నట్లు 6వ టౌన్‌ పోలీసులు తెలిపారు.