కామారెడ్డిలో ఆర్థిక అక్షరాస్యత వారోత్సవాలు

కామారెడ్డి, ఫిబ్రవరి 13

నిజామాబాద్‌ న్యూస్‌ డాట్‌ ఇన్‌ : ఆర్థిక అక్షరాస్యత వాల్‌పోస్టర్లను సోమవారం జిల్లా కలెక్టర్‌ జితేష్‌ వి పాటిల్‌ ఆవిష్కరించారు. ఈ సందర్భంగా ఆయన మాట్లాడారు. ఈ నెల 13 నుంచి 17వరకు జిల్లాలోని అన్ని బ్యాంకులలో వారోత్సవాలు నిర్వహించాలని తెలిపారు. ఖాతాదారులు బ్యాంకు సేవలను సరైన రీతిలో నిర్వహించడానికి ఈ వారోత్సవాలు దోహదపడతాయని చెప్పారు.

జిల్లా ప్రజలకు అవగాహన కల్పించాలని సూచించారు. కార్యక్రమంలో జిల్లా స్థానిక సంస్థల అదనపు కలెక్టర్‌ వెంకటేష్‌ దోత్రే, ఎల్డిఎం చిందం రమేష్‌, సిపిఓ రాజారాం, ఎస్సీ కార్పొరేషన్‌ ఈడీ దయానంద్‌, మెప్మా పీడీ శ్రీధర్‌ రెడ్డి, జిల్లా వ్యవసాయ అధికారిని భాగ్యలక్ష్మి, జిల్లా అధికారులు పాల్గొన్నారు.