బాధిత కుటుంబానికి అండగా

కామారెడ్డి, ఫిబ్రవరి 15

నిజామాబాద్‌ న్యూస్‌ డాట్‌ ఇన్‌ : బీబీపేట్‌ మండలం మాందాపూర్‌ గ్రామంలో మల్లారెడ్డి అనే వ్యక్తి ఇటీవలే అనారోగ్యంతో మరణించారు. కాగా పెద్ద దిక్కును కోల్పోయిన కుటుంబాన్ని ఐఆర్సిఎస్‌ జిల్లా వైస్‌ చైర్మన్‌, మండల రైతుబంధు సమితి అధ్యక్షుడు అంకన్నగారి నాగరాజ్‌ గౌడ్‌ పరామర్శించారు. ఈ సందర్భంగా 25 కిలోల బియ్యం, నిత్యావసర సరుకులు కుటుంబీకులకు అందజేసారు.

ఈ సందర్భంగా ఆయన మాట్లాడుతూ మృతుడి కొడుకు చదువు విషయంలో ప్రభుత్వ విప్‌ గంప గోవర్ధన్‌ గారికి దృష్టికి తీసుకువెళ్లి హాస్టల్‌లో చేర్పించేలా కృషి చేస్తామని బాధిత కుటుంబానికి అన్నీ వేళలా అండగా ఉంటామని భరోసా కల్పించారు. పేదల కోసం ఏదైన సహాయం చేయాలంటే ఆర్థికంగా స్థిరపడి డబ్బులే ఉండాల్సిన అవసరం లేదని, చిత్త శుద్దితో చేయాలనే సంకల్పం వుంటే చాలన్నారు.

కార్యక్రమంలో సర్పంచ్‌ రేవతి శ్రీనివాస్‌, ఎంపీటీసీ లక్ష్మారెడ్డి, వార్డ్‌ సభ్యులు రేఖ దేవరాజు, ఎస్‌ఎంసి చైర్మన్‌ రమేష్‌ , బిఆర్‌ఎస్‌ మండల యూత్‌ ఉపాధ్యక్షులు ప్రేమ్‌ చారి, గ్రామ యూత్‌ అధ్యక్షుడు రాజేశ్వర్‌ రెడ్డి, మాజీ వార్డ్‌ సభ్యుడు పోచయ్య, కాలనీ వాసులు రాజవ్వ, నాగమణి, రాజేష్‌ తదితరులు పాల్గొన్నారు.