మూగజీవాల పట్ల ప్రేమ, దయ కలిగి ఉండాలి

నిజామాబాద్‌, ఫిబ్రవరి 20

నిజామాబాద్‌ న్యూస్‌ డాట్‌ ఇన్‌ : ఇటీవల నిర్వహించిన జంతు సంక్షేమ పక్షోత్సవాల సందర్భంగా నిర్వహించబడిన జిల్లాస్థాయి ఉపన్యాస పోటీలలో నెగ్గిన విద్యార్థులకు జిల్లా కలెక్టర్‌, జంతు సంక్షేమ మండలి చైర్మన్‌చే జారీ చేయబడిన ప్రశంసా పత్రములను, మెమొంటోలను అదనపు కలెక్టర్‌ చంద్రశేఖర్‌ జిల్లా కలెక్టర్‌ కార్యాలయంలో అందజేశారు. ఈ సందర్భంగా వారు మాట్లాడుతూ విద్యార్థినీ విద్యార్థులు జంతు సంక్షేమం పట్ల అవగాహన పెంపొందించుకొని ఇతరులకు కూడా తెలియజేస్తూ మూగజీవాల పట్ల ప్రేమ, దయ కలిగి ఉండాలని సూచించారు.

కార్యక్రమంలో జిల్లా పశు వైద్యాధికారి డాక్టర్‌ వి జగన్నాథ చారి, సహాయ సంచాలకులు డాక్టర్‌ బాలిక్‌ అహ్మద్‌, డాక్టర్‌ బసవ రెడ్డి, విద్యాశాఖ అదనపు కమిషనర్‌ పాల్గొన్నారు.