Telangana Live Telangana Live News and Views 24X7
ఎడపల్లి, ఫిబ్రవరి 24
నిజామాబాద్‌ న్యూస్‌ డాట్‌ ఇన్‌ : ఛత్రపతి శివాజీ ఆశయసాధనకు ప్రతిఒక్కరూ కృషిచేయాలని బోధననియోజకవర్గ బీజేపీ పార్టీ నాయకుడు మేడపాటి ప్రకాష్‌ రెడ్డి ఎంపీపీ శ్రీనివాస్‌, జాన్కంపేట్‌ సర్పంచ్‌ సాయిలు అన్నారు. ఈ మేరకు శివాజీ జయంతి ఉత్సవాలు సందర్బంగా యువకులు, ప్రజాప్రతినిధులు, గ్రామస్తులు పెద్ద ఎత్తున పాల్గొని శివాజీ చిత్రపటానికి పూలమాలలు వేసి ఘనంగా నివాళులు అర్పించారు.
ఎడపల్లి మండల కేంద్రంతో పాటు జాన్కంపేట్‌ గ్రామంలో ప్రతిష్టించనున్న ఛత్రపతి శివాజీ విగ్రహా స్థాపనకు శుక్రవారం వారు భూమిపూజ చేసి మాట్లాడారు. ఛత్రపతి శివాజీ జీవితాన్ని ఆదర్శంగా తీసుకుని, ఆయన ఆశయసాధనకు ప్రతిఒక్కరూ కృషిచేయాలని పిలుపునిచ్చారు. శివాజీ మహారాజ్‌ హిందూ ధర్మాన్ని కాపాడేందుకు కృషి చేసారన్నారు.
శివాజీ విగ్రహ ఏర్పాటుకు గ్రామంలో ఎంపికచేసిన పంచాయతీకి చెందిన స్థలం త్వరలోనే విగ్రహాన్ని ప్రతిష్ట చేయడానికి భూమిపూజ చేశామన్నారు. దీనికి ఛత్రపతి శివాజీ అసోసియేషన్‌ సభ్యులు ముందుకురావడం అభినందనీయమని అన్నారు. విగ్రహ స్థాపనలో ప్రతీ ఒక్కరూ పాల్గొనాలని పిలుపునిచ్చారు. కార్యక్రమంలో రామదాసి సురేష్‌ ఆత్మరాం మహారాజ్‌, సర్పంచ్‌ ఆకుల మాధవి శ్రీనివాస్‌, ఛత్రపతి శివాజీ యూత్‌ అసోసియేషన్‌ అధ్యక్షుడు రాంచందర్‌, జన్కంపేట్‌ ఉపసర్పంచ్‌ విజయ్‌, ఎంపీటీసీ సంజీవ్‌, వార్డు సభ్యుడు వీరవత్ని రాజు, ఉప్పు సురేష్‌ ఎంపీటీసీలు, ప్రజాప్రతినిధులు, యువకులు, గ్రామస్తులు, తదితరులు పాల్గొన్నారు.
