Telangana Live Telangana Live News and Views 24X7
కామారెడ్డి, ఫిబ్రవరి 25
నిజామాబాద్‌ న్యూస్‌ డాట్‌ ఇన్‌ : కామారెడ్డి జిల్లా కేంద్రంలో గల మంజీర కళాశాలలో శనివారం నిర్వహించిన జాబ్‌ మేళా కు అనూహ్య స్పందన లభించింది. టాస్క్‌ సహకారం తో ప్రముఖ ఎంఎస్‌ఎన్‌ లాబోరేటిస్‌ కార్పొరేట్‌ కంపెనీ ఆధ్వర్యంలో రిక్రూట్మెంట్‌ డ్రైవ్‌ నిర్వహించారు. ఈ సందర్భంగా కళాశాల కరస్పాండెంట్‌, సెక్రటరీ గురువేందర్‌ రెడ్డి మాట్లాడుతూ బిఎస్సి, బీకాం, బీఏ ఉత్తీర్ణత సాధించిన నిరుద్యోలకోసమే డ్రైవ్‌ నిర్వహించినట్లు తెలిపారు.
100 ఉద్యోగాల కొరకు దాదాపు 3 వందల విద్యార్థులు పాల్గొనీ 56 మంది ఎంపికయ్యారనీ పేర్కొన్నారు. ప్రముఖ సంస్థ ఎంఎస్‌ఎన్‌ లాబొరేటరీస్‌ నుండి హాజరైన హెచ్‌ఆర్‌ జోష్నా మాట్లాడుతూ నిరుద్యోగ సమస్య లేకుండా మంజిర కళాశాల నిర్వహించిన కార్యక్రమానికి తమ కంపెనీ నుండి హాజరైనట్లు తెలిపారు. కార్యక్రమంలో మంజీర కళాశాల ప్రిన్సిపాల్‌ సత్యనారాయణ, డైరెక్టర్‌ సురేష్‌ గౌడ్‌, పిజెఆర్‌ డిగ్రీ కళాశాల ప్రిన్సిపాల్‌ విజయకుమార్‌, అధ్యాపకులు, నిరుద్యోగులు పాల్గొన్నారు.
