డివిజనల్‌ అకౌంట్స్‌ ఆఫీసర్‌ రాత పరీక్షకు ఏర్పాట్లు పూర్తి

నిజామాబాద్‌, ఫిబ్రవరి 25

నిజామాబాద్‌ న్యూస్‌ డాట్‌ ఇన్‌ : తెలంగాణ రాష్ట్ర పబ్లిక్‌ సర్వీస్‌ కమిషన్‌ (టీఎస్‌పీఎస్‌సి) ద్వారా ఈ నెల 26 ఆదివారం జరుగనున్న డివిజనల్‌ అకౌంట్స్‌ ఆఫీసర్‌ రాత పరీక్షకు అన్ని ఏర్పాట్లు పూర్తి చేశామని అదనపు కలెక్టర్‌ బి.చంద్రశేఖర్‌ తెలిపారు. రాత పరీక్ష కోసం నిజామాబాద్‌ జిల్లా కేంద్రంలో 20 సెంటర్‌లను ఏర్పాటు చేశామని వివరించారు. ఉదయం 10.00 గంటల నుండి మధ్యాహ్నం 12.30 గంటల వరకు, తిరిగి మధ్యాహ్నం 2.30 గంటల నుండి 5.00 గంటల వరకు రెండు సెషన్‌లలో రాత పరీక్ష జరుగుతుందని తెలిపారు.

టిఎస్‌పిఎస్‌సి వెబ్‌ సైట్‌ ద్వారా డౌన్‌ లోడ్‌ చేసుకున్న హాల్‌ టిక్కెట్లలో అభ్యర్థి ఫోటో, లేదా పేరులో ఏవైనా తప్పిదాలు ఉన్నట్లయితే మూడు పాస్‌ పోర్ట్‌ సైజు ఫోటోల మీద గజిటెడ్‌ అధికారి సంతకంతో పరీక్ష కేంద్రాలకు హాజరు కావాలని సూచించారు. అభ్యర్థులు తమ వెంట సెల్‌ ఫోన్‌, క్యాలిక్యులేటర్‌, స్మార్ట్‌ వాచ్‌ వంటి ఎలక్ట్రానిక్‌ ఉపకారణాలేవీ వెంట తేకూడదని, షూ ధరించి రాకూడదని అన్నారు.

ఉదయం సెషన్‌ పరీక్షకు సంబంధించి 9.45 గంటలు, మధ్యాహ్నం సెషన్‌ కు సంబంధించి 2.15 గంటల తరువాత వచ్చిన వారిని పరీక్షా కేంద్రం లోనికి అనుమతించడం జరగదని స్పష్టం చేశారు. దీనిని దృష్టిలో పెట్టుకుని అభ్యర్థులు నిర్ణీత సమయానికి ముందే కేంద్రాలకు చేరుకోవాలని అన్నారు. ఏవైనా సందేహాలు ఉంటే కంట్రోల్‌ రూమ్‌ ఫోన్‌ నెంబర్‌ : 08462 – 220183 ని సంప్రదించాలని అభ్యర్థులకు సూచించారు.