హనుమాన్‌ దీక్ష స్వాములకు నిత్య అన్నదానం

ఆర్మూర్‌, ఫిబ్రవరి 27

నిజామాబాద్‌ న్యూస్‌ డాట్‌ ఇన్‌ : శ్రీ జ్యోతిర్లింగ ఆశ్రమం ఆర్మూర్‌ పట్టణంలో దోబీ ఘాట్‌ నిజామాబాద్‌ ఎక్స్‌ రోడ్‌ ఆర్మూర్‌ హనుమాన్‌ మందిరంలో శ్రీశ్రీశ్రీ సిందే మధుకర్‌ మహారాజ్‌ ఆధ్వర్యంలో హనుమాన్‌ దీక్ష 25 సంవత్సరాల సందర్భంగా హనుమాన్‌ దీక్ష భక్తులకు నిత్య అన్నదాన కార్యక్రమం ఏర్పాటు చేశారు.

సిందే మధుకర్‌ మహారాజ్‌ కుమారుడు మాట్లాడుతూ ఆశ్రమం వద్ద ప్రతినిత్యం అన్నదానముంటుందని 41 రోజులపాటు హనుమాన్‌ దీక్ష తీసుకున్న స్వాములకు నిత్యం అన్నదానం భిక్ష స్వీకరించవచ్చని చెప్పారు. సిద్దుల గుట్ట వెనకాల ఉండే ఆశ్రమం వద్దకు ఎవరైనా వచ్చి భిక్ష చేసి వెళ్లవచ్చని, ముఖ్యంగా కొండగట్టు వరకు పాదయాత్ర చేపడుతున్న స్వాములు ఇక్కడ జరిగే నిత్య అన్నదానంలో పాల్గొని దీక్ష చేసి వెళ్లగలరని వారు కోరారు.

సోమవారం సుమారు వందకు పైగా హనుమాన్‌ దీక్ష చేపట్టిన ఆలూర్‌, కల్లేడి, చిన్నపూర్‌, మామిడిపల్లి, కోటార్మూర్‌ స్వాములు భిక్ష స్వీకరించారు. ఇలాగే నిత్యం హనుమాన్‌ స్వాములు రావాలని కోరారు. మీకు ఎవరైనా దీక్ష పట్టిన స్వాములు కనబడితే వారు భిక్ష చేశారా లేదా అని అడిగి జ్యోతిర్లింగ ఆశ్రమంలో అన్నదాన కార్యక్రమం ఉంటుందని చెప్పి లేదా వారిని ఈ యొక్క స్థలం వద్ద దింపి వెళ్లగలరని విజ్ఞప్తి చేశారు.