నిరుద్యోగ యువతకు స్టడీ మెటిరియల్‌ అందజేత

కామారెడ్డి, మార్చ్‌ 6

నిజామాబాద్‌ న్యూస్‌ డాట్‌ ఇన్‌ : సేవ్‌ ద గర్ల్‌ చైల్డ్‌ సొసైటీ ఆధ్వర్యంలో ఆదివారం రాజంపేట మండల కేంద్రంలో నిరుపేద నిరుద్యోగ గ్రూప్‌ 4 అభ్యర్థులకు ఉచిత పోటీ పరీక్షల మెటీరియల్‌ను చంచల్‌గూడ జైలు సూపరింటెండెంట్‌ నవాబ్‌ శివకుమార్‌ గౌడ్‌ (ఎస్‌పి) దాతృత్వంతో అందజేశారు.

మండల కేంద్రం మరియు పరిసర గ్రామాల అభ్యర్థులకు దాదాపు 100 సేట్లను అందజేశారు. శివకుమార్‌ యొక్క సదుద్దేశం తాను ఎన్నో కష్టాలకు ఓర్చుకొని పైకొచ్చాను కాబట్టి గ్రామీణ ప్రాంత నిరుద్యోగ యువతకు తన వంతు సహాయంగా ఈ మెటీరియల్‌ అందజేస్తున్నట్టు తెలిపారు. తద్వారా నిరుద్యోగులు ఉద్యోగులుగా మారి తమ కుటుంబాలకు సమాజానికి దేశానికి సేవ చేయడంలో ముందుండాలని ఆకాంక్షించారు. కార్యక్రమంలో సంస్థ ప్రతినిధులు బోర్ర రాజా గౌడ్‌ పటేల్‌, అనిల్‌, శ్రీధర్‌ స్వామి, రవి, రమేష్‌, రాజేందర్‌, కిరణ్‌, తదితరులు పాల్గొన్నారు.