అతిథి అధ్యాపకులకు దరఖాస్తుల ఆహ్వానం

బాన్సువాడ, మార్చ్‌ 10

నిజామాబాద్‌ న్యూస్‌ డాట్‌ ఇన్‌ : బాన్సువాడ ఎస్‌ఆర్‌ఎన్‌కె డిగ్రీ కళాశాలలో ఆంగ్లం బోధనలో అతిథి అధ్యాపకులుగా పనిచేయుటకు అర్హత గల అభ్యర్థుల నుంచి దరఖాస్తులు ఆహ్వానిస్తున్నట్టు కళాశాల ప్రిన్సిపాల్‌ డాక్టర్‌ ఇందూరు గంగాధర్‌ ఒక ప్రకటనలో తెలిపారు.

అభ్యర్థులు పిజిలో 55 శాతం మార్కులు కలిగి ఉండాలని, ఎస్‌సి, ఎస్‌టి అభ్యర్థులు 50 శాతం మార్కులు కలిగి ఉండాలన్నారు. అలాగే నెట్‌, సెట్‌, పిహెచ్‌డి ఉన్న వారికి ప్రాధాన్యత ఉంటుందన్నారు. ఈనెల 18వ తేదీ సాయంత్రం 5 గంటల వరకు తమ తమ దరఖాస్తులను కళాశాల కార్యాలయంలో అందజేయాలని, 14న ఉదయం 10 గంటల నుంచి జిల్లా కేంద్రంలోని ప్రభుత్వ డిగ్రీ కళాశాలలో డెమో, ఇంటర్వ్యూ ఉంటుందని ఆయన పేర్కొన్నారు.