రాష్ట్ర ఎన్నికల కమిషనర్‌కు స్వాగతం పలికిన అధికారులు

నిజామాబాద్‌, మార్చ్‌ 16

నిజామాబాద్‌ న్యూస్‌ డాట్‌ ఇన్‌ : నిజామాబాద్‌ జిల్లా పర్యటనకు గురువారం హాజరైన రాష్ట్ర ఎన్నికల కమిషనర్‌ సి.పార్థసారథికి జిల్లా ఉన్నతాధికారులు స్వాగతం పలికారు. డిచ్‌ పల్లి పోలీస్‌ బెటాలియన్‌ గెస్ట్‌ హౌస్‌ వద్దకు చేరుకున్న కమిషనర్‌ పార్థసారథిని కలెక్టర్‌ రాజీవ్‌ గాంధీ హనుమంతు, అదనపు కలెక్టర్‌ చిత్రామిశ్రా, బెటాలియన్‌ కమాండెంట్‌ సత్య శ్రీనివాస్‌ రావు, ఆర్డీఓ రవి తదితరులు స్వాగతం పలికి, పూల మొక్కలు, బొకేలు అందించారు.

కలెక్టర్‌, ఇతర అధికారులతో రాష్ట్ర ఎన్నికల కమిషనర్‌ అక్కడే కొద్దిసేపు సమావేశమై, పలు అంశాలపై చర్చించారు. అంతకుముందు కమిషనర్‌ పోలీసుల నుండి గౌరవ వందనం స్వీకరించారు.