పాఠశాలను పరిశీలించిన జిల్లా విద్యాధికారి

బాన్సువాడ, మార్చ్‌ 28

నిజామాబాద్‌ న్యూస్‌ డాట్‌ ఇన్‌ : మండలంలోని బోర్లమ్‌ గ్రామంలోని జిల్లా పరిషత్‌ ఉన్నత పాఠశాలను మంగళవారం జిల్లా విద్యాశాఖ అధికారి రాజు సందర్శించారు. ఈ సందర్భంగా ఆయన పదవ తరగతి విద్యార్థులు పరీక్షలకు సన్నద్ధమయ్యే అంశాలపై ఉపాధ్యాయులతో చర్చించి, పరీక్ష కేంద్రాలు ఏర్పాటుపై సీసీ కెమెరాలు ఏర్పాటును పరిశీలించి ఉపాధ్యాయులకు పలు సూచనలు చేశారు.

పాఠశాలలో ఉపాధ్యాయులు అనుసరిస్తున్న విధానాలను ఆయన అభినందించారు. ఈ సందర్భంగా పాఠశాల ఉపాధ్యాయుడు నాని రాములు రచించిన రామ శతకమును జిల్లా విద్యాశాఖ అధికారికి అందజేశారు. కార్యక్రమంలో అధికారి శ్రీపతి, పాఠశాల ప్రధానోపాధ్యాయుడు విజయకుమార్‌, శ్రీనివాస్‌ గౌడ్‌, రాములు తదితరులు పాల్గొన్నారు.