ఘనంగా శ్రీరామ నవమి ఉత్సవాలు

రెంజల్‌, మార్చ్‌ 30

నిజామాబాద్‌ న్యూస్‌ డాట్‌ ఇన్‌ : రెంజల్‌ మండల కేంద్రంతో పాటు తాడ్‌ బిలోలి, నీలా క్యాంప్‌, నీలా, కందకుర్తి, దూపల్లి, కళ్యాపూర్‌, కూనేపల్లి, బాగేపల్లి, వీరన్నగుట్ట, బోర్గం గ్రామాలలో గురువారం శ్రీరామ నవమి ఉత్సవాలను ఘనంగా నిర్వహించారు. భక్తులు ఉదయమే ఆలయాలను చేరుకొని వేద పండితులు మంత్రోచ్ఛలనాల మధ్య భక్తిశ్రద్ధలతో పూజల నిర్వహించారు.

వేడుకల్లో సర్పంచులు రమేష్‌ కుమార్‌, సునీత నర్సయ్య, శనిగరం సాయిరెడ్డి, సాయిలు,లలితా రాఘవేందర్‌, రాజు,రామాలయం చైర్మన్‌ లింగాల అబ్బన్న, గ్రామ పెద్దలు దత్తు రెడ్డి, సాయరెడ్డి, లింగారెడ్డి, దత్తుపటేల్‌, సుధాకర్‌ రావ్‌, తదితరులు ఉన్నారు.

కూనేపల్లిలో…

శ్రీరామనవమి సాయిబాబా జయంతి ఉత్సవాలు కూనేపల్లి గ్రామంలో వైభవంగా నిర్వహించారు.మహిళలు అధిక సంఖ్యలో ఆలయాలకు చేరుకొని పూజలు చేపట్టారు. అనంతరం అన్నదాన కార్యక్రమాన్ని నిర్వహించారు. వేడుకల్లో సర్పంచ్‌ రోడ్డ విజయ లింగం, స్థానికులు నీరడి సాయిలు, కృష్ణారెడ్డి, రోడ్ల లింగం, తదితరులు ఉన్నారు.