విద్యార్థులకు పండ్లు పంపిణీ

రెంజల్‌, ఏప్రిల్‌ 2

నిజామాబాద్‌ న్యూస్‌ డాట్‌ ఇన్‌ : రెంజల్‌ మండలంలోని కళ్యాపూర్‌ గ్రామంలో ఆదివారం విద్యార్థులకు రైతు సమన్వయ సమితి మండల అధ్యక్షుడు కాశం సాయిలు జన్మదినాన్ని పురస్కరించుకొని పండ్లు, స్వీట్లు పంపిణీ చేశారు. గ్రామ బిఆర్‌ఎస్‌ నాయకుల ఆధ్వర్యంలో గజమాలతో సత్కరించి కేక్‌ కట్‌ చేశారు.

ఈ సందర్భంగా టిఆర్‌ఎస్‌ నాయకులు మాట్లాడుతూ తెలంగాణ ఉద్యమం నుండి బిఆర్‌ఎస్‌ పార్టీలో కీలకంగా వ్యవహరిస్తూ పార్టీ బలోపేతానికి కృషి చేసిన కాశం సాయిలు మరిన్ని జన్మదిన వేడుకలు జరుపుకోవాలని వారన్నారు. కార్యక్రమంలో సర్పంచ్‌ కాశం నిరంజని, బిఆర్‌ఎస్‌ నాయకులు కుమార్‌, లోకేష్‌, సాయినాథ్‌, శ్రీను, బంటు లక్ష్మణ్‌, శంకర్‌, ప్రవీణ్‌, గంగాధర్‌ తదితరులు ఉన్నారు.